السلام عليكم

السلام عليكم ورحمة الله وبركاته
وانا بسجل دخول شوفت اعلان كدة مش محترم
ياريت الادارة تشوف الاعلانات دى بتنزل ازاى ولو تقدر تلغيها ياريت بسرعة
هو مبيظهرش دايما بس ظهر يجى كام مرة كدة
فياريت تشوفوا الموضوع ده
وشكرا

للاسف يا موني الاعلانات ديه مش بإيد الاداره خالص
لان ده منتدي مجاني والمنتدي الام هو المسئول عن الموضوع ده
والاعلانات زي مقولتي بتتغير يعني كل شويه تلاقي اعلان شكل

لكن لو منتدي بفلوس ولقيتي اعلان زي ده فده معناه ان الاداره واخده فلوس.
بس انا مشوفتش اي اعلان مش كويس من فتره كبيره سواء هنا او ساعه ايام رومانس.

غضي البصر بقي معلش.

هههههههههههههههه
اغض البصر
ماشى ياشيكو هحاول
بس انا لسه شايفاه انهاردة وعمرى بصراحة ماشفت حاجة زى دى هنا
علشان كدة قلت اعرفكوا كنت فاكرة ان انتوا تقدروا تعملوا حاجة
بس يلا ربنا يحفظ منتدانا بعد كدة

لا والله يا موني مش ف ايدنا
بس انا عندي مش ظاهر اي اعلانات خالص
ياريت تسطبي برنامج حمايه كويس يكون بيمعن ظهور الاعلانات
وكمان هيحميلك جهازك من التجسس والهاكر والفيروسات
عندك برامج قويه زي counter spy,,,,,,,,,,,,, or zone alarm,,,,,,,,,,,,,,,, or nod32
فيه برامج تانيه جامده بس دول انا بستعملهم.

طاب اختار لى احسن واحد وقولى انزله منين وازاى
معلش هتعبك ياشيكو

بصي انا مسطب دلوقتي كونتر اسباي بس عشان لسه منزل ويندوز جديد
ومفيش اعلانات ظاهره قدامي ومعمول علامه بلوك وجيت اعمل شوو بيكتشر مرديش ومظهرش اي صور برضه
فجربي البرنامج ده حلو وهتلاقي ف منتديات كبيره زي مزيكا اليوم او ماي ايجي وده احسن علي فكره بكتير
www.myegy.com
ومفيش تعب ولا حاجه وحتي لو تعبتيني تعبك راحه
ومبروك عل الخطوبه يابت
بس هو ازاي سايبك كده تخشي نت هههههههههههههههههههههههههه
ياريت تفضلي تخشي من وقت للتاني او لو حكمت ابقي دخليه معاكي
احنا هنا مش شغالين اوي عشان ده مكانش هدف ميرو لانشاء المنتدي
الهدف الاساسي اننا نبقي مع بعض ونطمن علي بعض.

تسلم ايدك ياشيكو
هجربه يمكن فعلا العيب من عندى
وبعدين انا بدخل نت عادى مواقع منتديات كدة وهو عارف انى مبكلمش ولاد
على الاميل او بصفة خاصة
وان شاء الله هبقى اخليه يسجل بس يفضى كدة شوية
واكيد طبعا هحاول ان شاء الله ادخل كدة علشان نحقق هدف ميرو
هههههههههههه متقلش مشروع تشكى ولا حاجة واهدافه ضرورى اتفيذها
ربنا يطمنا دايما على بعض ودايما على طول كدة مناسبات وافراح

يارب امين
واحسن حاجه انه بيثق فيكي واكيد الثقه متبادله
ربنا يخليكو لبعض
بس النت مش حاجه كويسه علي فكره مبيجبش غير التعب والمشاكل
انا نظري ضعف من كتر القعده وشوفت مشاكل وعرفت ناس بيتقال عليهم شياطين الانس
عايز ابعد عن النت بجد بس لسه مجاتش الفرصه او السبب القوي اه السبب الديني موجود بس للاسف
موصلش معايا للدرجه القويه اني اسيب النت
الواحد مستني بقي انه يتربط عشان يسيب النت او لما اتخرج بقي واشتغل
انا ف الاجازه لما كنت شغال مكنتش بخش خالص كنت مرتاح والله وصحتي كويسه
دلوقتي بقيت تعبان علي طول من السهر والقعده.

ابقي شوفي البرنامج وجربيه لو منفعش معاكي جربي الاتنين التانين
واي استفسار انا ف الخدمه.