حاجه بتحصل .. في مجمتعنا ..

الموضوع ده صراحه فبالي من فترة
كلام بسمعه كتير من ناس حواليا قريبن وبعاد...
الموضوع كالاتي ...

واحد عايز يخطب فيقولوله ع فلانه
بنت ناس وكويسه ...
تب ايه المشكله ....

اصلها اتخطبت قبل كده ....

مش عارفه الكلمه دي بتغظني اوي وفيها ايه لما تتخطب قبل كده
نقص منها حته مثلا ..
فانا عايزة اعرف ايه راي الشباب ف الموضوع ده ؟؟؟؟

والاحلي والاحلي بقي كنت انا بتكلم مع واحده كده
جبنا سيرة شخص ما
وهو كان خاطب يعني بس فسخ الخطوبه
فبقولها اه كويس وبتاع
فقالت لي وانتي ممكن توافقي ع واحد كده ؟؟

معرفش يعني بقت للولاد كمان مش البنات بس
فانا مش عارفه ليه كده الصراحه ..
اتمني اسع رايكوا ف هذا الموضوع

اه فعلا ياميرو انا سمعته بردو
مع اني شايفه انه حاجه عادي جدا
ومفيهاش حاجه
امال مثلا لو كان مكتوب كتابها ومحصلش نصيب
هيكون موقفه ايه بقى

والله ما عارفه يا نيدو
وبقولك بقت للولاج \\د كمان
تقولك لا
اصله كان خاطب قبل كده
يلا
نورتي يا جميــــــــــــــــــــــل

والله انا بسمعها بردو
بس انا شايفة ان وجهة نظرهم بتكون ان اغلب الناس المخطوبين
بياخدوا على بعض اوى بطريقة مش كويسة
يعنى خروج ورسايل مش اوى يعنى ونظام ياحبيبى ويا عينى والحاجات دى
فيقولك لما كل واحد هتتخطب له هتعمل معاه كدة
يبقى ممكن يكون احساسها معايا مش صادق اوى ويكون كلام اتعودت عليه وخلاص
والبنت بردو نفس المبدا بتكون عايزة تحس انها اول وحدة فى حياته
فهى دى بتكون وجهة النظر
بس المشكلة باه ان الناس بتعمم يعنى فى ناس بتتخطب وبتكون محترمة مبتخرجش الا مع حد محرم معاها
مبتقولش كلام زيادة عن اللازم
فلازم الواحد يسال الاول عن الشخص ده وبعد كدة يحكم عليه
وتسلم ايدك ياميرو

ممكن ياموني بردو
بس مش ذنبها انها اتخطبت ومحصلش نصيب

اه فعلا يا نيدو مش ذمبها انها اتخطبت ومحصلش نصيب

بس انا فعلا عايزه اسمع رأيكوا في الموضوع ده لاني سمعته
بجد كتير جدا

وتسلم ايدكي يا ميرو

mony كتب:: والله انا بسمعها بردو
بس انا شايفة ان وجهة نظرهم بتكون ان اغلب الناس المخطوبين
بياخدوا على بعض اوى بطريقة مش كويسة
يعنى خروج ورسايل مش اوى يعنى ونظام ياحبيبى ويا عينى والحاجات دى
فيقولك لما كل واحد هتتخطب له هتعمل معاه كدة
يبقى ممكن يكون احساسها معايا مش صادق اوى ويكون كلام اتعودت عليه وخلاص
والبنت بردو نفس المبدا بتكون عايزة تحس انها اول وحدة فى حياته
فهى دى بتكون وجهة النظر
بس المشكلة باه ان الناس بتعمم يعنى فى ناس بتتخطب وبتكون محترمة مبتخرجش الا مع حد محرم معاها
مبتقولش كلام زيادة عن اللازم
فلازم الواحد يسال الاول عن الشخص ده وبعد كدة يحكم عليه
وتسلم ايدك ياميرو

كلام منى عين العقل ومفيش كلام يتقال بعديه

فعلا هيه لو كانت محترمة واخلاقها كويسه وومتعدتش حدودها فى الخطوبة يا ميرووووووووو

اكيد ربنا هيرزقها براجل كويس

انما واحدة تخرج وتمشى وتحب وتعمل كل حاجة فى الخطوبة اكيد هييفكر الف مرة قبل ما يجوزها

ولى عودة ن شاء الله

هو طبعا مش ذنبها يانيدو انها اتخطبت ومحصلش نصيب
بس معروف ان الخطوبة دى فترة تعارف بالذات لو مكانوش عارفين بعض قبل كدة
يعنى بيكون فى احتمال انها تكمل او تفركش
لحد ما بتكون فكرة عامة عن الشخص ده وهتشوف هو ده الشخص المناسب ولا لا
فلازم كل واحدة تاخد فى اعتبارها حاجة زى كدة وتخلى بالها من كلامها وتصرفتها حتى
ولو بدرجة بسيطة علشان على الاقل لو محصلش نصيب متتعبش اوى
ومفيش مانع انها تخرج وتشم هوا معاه
بس تكون اختها معاها اى حد تبعه او تبعها كدة يعنى لحد ما يحصل نصيب وساعتها هتعمل
كل الى نفسها فيه

يا جماعه معاكو طبعا
بس ف ناس
او بمعني اصح الناس الكبار
يقولك دي اتخطبت لا
من غير ما حتي يسالوا او اي حاجه
مممممم
ماعلينا
نورتوا كلكوا

mony كتب:: هو طبعا مش ذنبها يانيدو انها اتخطبت ومحصلش نصيب
بس معروف ان الخطوبة دى فترة تعارف بالذات لو مكانوش عارفين بعض قبل كدة
يعنى بيكون فى احتمال انها تكمل او تفركش
لحد ما بتكون فكرة عامة عن الشخص ده وهتشوف هو ده الشخص المناسب ولا لا
فلازم كل واحدة تاخد فى اعتبارها حاجة زى كدة وتخلى بالها من كلامها وتصرفتها حتى
ولو بدرجة بسيطة علشان على الاقل لو محصلش نصيب متتعبش اوى
ومفيش مانع انها تخرج وتشم هوا معاه
بس تكون اختها معاها اى حد تبعه او تبعها كدة يعنى لحد ما يحصل نصيب وساعتها هتعمل
كل الى نفسها فيه

كلامك عاجنى قوى يا منى ورايك كمان حلو قوى

اهااا
فهمت
انا بقول يعني مع ميرو انه مجرد سمع انها مخطوبه
حتى مسألش او حاجه
واكيد يعني فترة الطوبه دي مش حاجه اساسيه
ف لازم كل بنت تاخد بالها
وربنا يستر علينا كلنا

بعد ازن الجميع انا راى مختلف شوية
وجهه نظر الناس للمخطوبه ايوة بيقولوة ديه كانت مخطوبه قبل كده بس مش كل الناس بتنظر النظرة دي وكمان بيبصو طب ديه كانت مخطوبه طب ايه الىل حصل علشان الخطوبه تتفركش ؟؟
يبقى اكيد فيها عيب .
مش بيقولوه انه ده نصيب وكل واحد له نصيبه ..
وعلى فكرة انا كنت خاطب قبل كده وماحصلش نصيب طب فيها ايه ..
عادى ده نصيب اولاً واخيراً
وكمان ليا واحد صاحبى خطب اكتر من 7 مرات بس ده اكيد فى حاجة غلط فى شخصيته هوه هنا بقى نقدر نقول ان الموضوع ذاد عن حده
انما اتخطبت مرة او اتنين او تلاته ماشى انما ساعات الموضوع بيعدى الحد فيبقى فى حاجة غلط فى شخصيه الانسان ده او ديه ديه بتكون نظرة المجتمع مش اكتر انما كانت مخطوبه مرة او اتنين او تلاته عادى بتحصل كتير
بس نرجع نقول فى الاول وفى الاخر المجتمع بيكون ظالم كتير فى اغلب الاحيان
يعنى مش للمخطوبه قبل كده وبس فى حاجات كتير عيب الناس انهم بيحكمو على ظنهم وعلى الظاهر مش على التعامل
الله المستعان
تسلم الايادى يا ميرو

ايوة
تمام يا راما
ده رايي
فعلا
ساعات اساسا
بيحصل اختلافات ما بين الاهل
حاجات ماديه
او عدم اتفاق ف الاراء مش اكتر

انا بقى تخلاه علشان اسلم بس بجد

انا مع راما واحمد ومنى

وتسلم الايادى

هههههههههههههههههه
عسل والله يا ساره
نورتي يا حببتي

انا شايه انها حاجة عاديه بس الناس بتكبرها
والحاجات دى قسمه ونصيب
وميرسى يا مروتى

العفو يا سلمتي
نورتي

دي حاجة فعلا غريبة بس من وجهة نظري إن هي ربنا بيحبها بدل ما كانت ترتبط بيه وتعيش حزينة يبقى دا جزائها في النهاية ؟؟؟؟

مش فاهمه قصدك يا هدير؟